【堅分享 – 媽媽你好嘢】 之第七篇!

上回分享在工業學員是我人生一個轉淚點,因為認識不同的同學仔。

我記得其中一個非常喜歡 睇書的同學仔, 因為咁所以都鼓勵我開始睇書, 亦是我人生第一次去逛書局及到圖書館借書睇。到現在已經"無書不歡"

還記得有同學仔帶我返教會,地點在美孚,後來又返崇拜及團契,在團契感受到互相支援的重要性,哪時很喜歡組長彈吉他一齊唱歌的氣氛。

還記在工業學員第一年參加了"朋輩輔導"工作坊,原來當年的工作坊種下了"個人成長"的 種子在我心田內。就是這樣, 開展了"個人成長"的追尋。 那時還未清楚什麼是"個人成長", 但覺得原來透過一些問題, 可以了解自己內心感受更多。

好快好快就完成在兩年工業學院紡織系的文憑課程, 就是這樣展開咗我 工作生涯, 還記得頭兩次去見工, 有僱主曾經問過我, 我中五那幾年讀書, 總共用咗八年時間才完成, 另外三年去咗邊度? 到時我說:『 有三年留班重讀』。 哪僱主望住我五秒鐘目定口呆。 後來我再想一想如何回應會比較好一些, 後來真係有僱主再問我同樣問題 ,我說我想"根基"打好些,所以中學時間比一般人用多三年時間。(工作的部份稍後再分享)

反而我想分享多些完成兩年工業學院之後, 最終我真係被理工取錄(非常非常興奮), 開展咗四年漫長嘅夜校高級文憑課程, 好記得有兩年時間是一星期返足四晚, 放工好多時 咬住麵包上堂, 有時要返內地工作, 每次都係好匆忙去上堂。 最有動力的就是每次返完夜校回家後, 返到家裏媽媽好多時都會留一些湯水給我飲,我個人覺得飲湯水唔單止飲佢嘅營養, 而係飲佢背後嘅心意, 這份心意代表咗默默支持我四年夜校生活。

在中學時期,從沒有想像過自己可以讀到專上學院, 那時感覺到夢想成真。每每到考試前夕, 必定返回理工溫書,好享受哪時"讀書的感覺"。

往後我怎樣從理工完成"高級文憑"到完成M.B.A..另外,從中學到理工學院,我有哪些感受及insight ? 明天再續。

我想分享一首歌給大家: 給十年後的我。 https://youtu.be/XO5LUg6qs1E

p.s.這張相就是理工畢業時拍攝!

歡迎留言及互相鼓勵!


1 view0 comments

Human Plus+.  Proudly created by Salmon Chow since 2016

  • w-facebook
  • LinkedIn
  • YouTube