【堅分享 – 媽媽你好嘢】 之第八篇!

上回說到最終於在理工學院畢業

今次想同大家分享由中學到工業學院這段旅程, 現在回望最大的學習是甚麼。

1) 要知道為何你要進行這件事, 為何這件事對你自己同埋身邊的人有那些正面影響( 如果用現時的語言去講解, 就是Simon Sinek哪本書,"Start with WHY")

例如:我在工業學院參加咗朋輩輔導工作坊, 我好熱愛助人自助這概念, 正正因為我渴望能夠應用到出嚟, 所以我非常喜愛睇有關"個人成長"的書籍。 從這個經驗話到畀自己聽 , 原來我唔係唔喜歡讀書, 或者讀書唔叻, 原來只是搵唔到背後努力的原因及對學術性的科目不太有興趣。 如果當年我早些認識有"社工"這個科目, 可能我會修讀這科目呢。

所以作為父母早些讓自己的仔女去探索不同的興趣及領域( 不要只侷限在學術上的成績), 必然有助他們日後的發展。

2) 沒有人會放棄你, 除了你自己( 當然那時候不懂得這樣的思維) 從中四因為被趕出校 ,最後校長再畀機會我重讀,再從中學到工業學院, 再由工業學院到修讀理工夜校, 全部都是個人選擇, 而且整個過程中, 只要細心留意, 其實有好多同學, 朋友及老師的幫忙才能夠完成, 但重點是這是否你一個好想堅持的目標, 如果是的話,『沒有人會放棄你,除了你自己』

從中學到工業學院到後來畢業於理工, 我會用【一字馬】做一個比喻。 開始做拉筋時, 簡直係痛不欲生, 但我知道每拉筋感受到痛的時候, 亦都代表又近我目標多一點, 每一日每星期可能未必睇到有好大進步, 但因為日積月累的努力去拉筋, 有一天你會『突然』做到一字馬。 做到一字馬, 係因為你之前所有嘅付出努力同埋享受那種給你『痛』的感覺。 如果你現時嘅人生夠『痛』, 我恭喜你, 因為代表你離開緊你自己嘅【舒適圈】。

我想分享一首歌給大家: 永不放棄 https://www.youtube.com/watch?v=Dm5VMNfE5fU

p.s.這張相在中環影的




0 views0 comments

Human Plus+.  Proudly created by Salmon Chow since 2016

  • w-facebook
  • LinkedIn
  • YouTube