【堅分享 – 媽媽你好嘢】 之第六篇!

上回說到兩次中學會考未如理想, 最終入讀了葵涌工業學院的紡織系。

究竟紡織系讀甚麼?咁本不太清楚, 只知道有得讀就讀, 入讀這學院令自己『開了眼界』。

記得開學頭一個星期,非常好奇, 見到好多不同的同學, 有預科畢業、有工作數年再回來讀書等。 另外,看到不同的紡織機, 例如縫盤機、紡布機等。 還記得自己主動問班主任 『選班長』, 班主任見我主動問, 我就成為人生第一次做班長(這是讀書以來自覺有貢獻的一次)。 從此亦多咗個花名:『班長堅』!

最興奮的是聽到班主任說, 如果我們夠勤奮, 完成2年文憑課程可以去申請入讀 『理工』, 嘩突然覺得人生充滿希望!!! 開頭的時間都覺得跟得好吃力, 因為第一次接觸, 咁本唔太清楚紡織的知識, 但幸好上課速度不是太快,慢慢就適應了!

好快就要準備第一份功課, 自覺自己寫不出一手好字, 只好投資了一部 『打字機』, 但這是惡夢的開始,因為唔識打字, 還記得交第一份功課要 『通頂』完成, 需然好累,但好有成功感! 後來為了提升打字的速度, 最後睇書自學,最終掌握了打字的方法。 這次經驗話到比自己聽,只要搵到努力的理由,就有動力搵方法去完成, 因為當每一次打字的時候, 提自己這是入讀 『理工』其中一途徑!

好快就適應了工業學院的生活, 最特別的地方認識了不同興趣的同學仔, 有喜歡睇書的,不同類型運動, 例如羽毛球,網球、長跑、單車及行山等。 因為這樣, 讓我發現到自己在運動方面有少許天份。 當中曾參加過羽毛球、排球、籃球、兵兵球比賽等。在運動過程中,讓我感受到 『堅持』的重要性!

另一個轉淚點是認識到一些同學仔喜歡睇書,不知不覺自己被感染睇書, 特別有同學仔喜歡睇哲學, 哪時我覺得他好勁(事實他真的好勁), 亦是我第一次接觸哲學, 讓我開始 『思考人生』, 亦因為開始喜歡睇書、也讓我喜歡讀書的感覺!

另外,在我過往的人生, 曾經聽過一些 『公路單車』一部要大約1萬元(25年前), 哪時沒有概念為何單車可以咁貴, 後來認識了一同學仔,他叫 『大隻東』, 原來他是傳說中踩過 『萬元』公路單車的人!後來他叫我一齊踩,我只踩一架 『普通單車』由深水址到鹿頸, 再由鹿頸返回深水址,成過人散了!

哪次經歷好難忘,因為第一次踩咁長途!但這次經驗亦讓我學習到堅持的重要性。

往後的工業學院生活是怎樣?明天再續!

p.s.這張相是就讀工業學院時的同學仔!

歡迎留言及互相鼓勵!






0 views0 comments

Recent Posts

See All

Human Plus+.  Proudly created by Salmon Chow since 2016

  • w-facebook
  • LinkedIn
  • YouTube