【堅分享 – 媽媽你好嘢】 之第四篇!

上回說爸爸同我回校向校長求情,讓我能夠重返原校重讀中四, 那年暑假開始搵人補習兼開始了運動。

那年暑假過得特別充實, 又開始了運動動,個人感覺不一樣。 每星期都好期待上空手道堂, 雖然每次上完都 "散曬", 但看見自己一路一路有進步,好有滿足感。 同時間開展了緩步跑的習慣, 還記得有時溫書的時候, 媽媽有時會提我如果溫書溫得攰 ,不如去跑下步可能仲容易吸收呢! 還記得那時去大坑東跑圈, 基本上頭嗰幾次跑,只可以用『行』來形容。 因為個人實在負磅太重了。

至於有私人幫我補習,我覺得都是非常吃力的, 因為根基實在打得唔好, 追得非常辛苦 ,但仍然咬緊牙關, 盡力完成所有指定的習作。

反而透過運動及空手道,令我個人開始培養咗自律的習慣, 因為為咗可以抽點時間練習空手道同練習慢跑, 所以係溫書的時候, 更加專心 ,這樣就可以騰出多啲空間去做運動。另一樣從運動中學習到的,就是我學習到幫自己定目標, 例如我慢跑, 如何由十分鐘慢慢增加到三十分鐘。

還記得那年重讀中四, 好似係印象咁耐以嚟, 從沒有試過留堂的一年( 說來真慚愧)。 記得那年只有返學放學溫書做運動, 時間過得好充實。 我還記得仲有係外間搵補習社補習英文。

記得有次溫書溫得攰的時候, 媽媽同我說:『咁多兄弟姊妹中,她最擔心我的學業成績。。。』。 媽媽從來沒有責備我成績比人差, 每每只是用愛心去鼓勵我。 正正這樣,重讀中四那年我終於順利升上中五。

另外重讀中四那年,認識咗一些喜歡做運動的同學仔(朋輩影響力真係好大的), 所以升上中五那年有同學鼓勵我不如參加田徑長跑 1,500米。 那時沒有什麼概念, 不如就畀個挑戰自己, 這是我讀書時期第一次參加長跑比賽。 那時好努力去練習, 最終我參加咗人生第一次長跑比賽。

第一次參加1,500米長跑比賽在田徑場裏面進行,那次大概有15位同學參加,我有印象跑咗1,000米左右, 仍然守住第三名, 但那時感覺到非常之攰,而且雙腳開始有少少抽筋跡象,但發現後面有位同學想超越我,只好咬實牙關,最終畀我以第三名跑過終點。

這是我人生第一次在求學時期能夠有成功感的感覺。 這一次成功的經驗,讓我人生往後有很大的正面影響。 究竟完成中五後,我何去何從? 我成績如何? 明天再續。

喺呢個時候我想送一首歌畀大家, 這是一首我很喜歡的勵志歌,【 默默向上游】

https://youtu.be/G1O7QPbGEBg




0 views0 comments

Recent Posts

See All